We aube d’Yladig füre Schlusshöck chunnt, de geits mit grosse Schritte dr Wiehnachte zue.
Das Johr hets dr 1. Bass id Hang gnoh für das Ganze z’organisiere, zwägzmache u dürezfüehre.
Es isch ihne rundum glunge u mir hei e gmüetleche, luschtige u gsprächige Obe im Schuttihüüsli z’Choppige dörfe verbringe. Umrahmet mit hie u do eme Lied, hei mir es wunderbars Fondue Chinoise u es riese Dessärbuffet dörfe gniesse.
Vile tuusig DANK de Manne vom 1. Bass u ihrne Häufer u Häuferinne. Dir heits vou u ganz verstange, üs aui z’verwöhne u das Johr ire gmüetleche Atmosphäre abzschliesse.